Shkëmbimet tregtare me Greqinë në dy muajt e parë të vitit 2017, zunë 6.5 % të totalit të gjithë tregtisë.
Sipas të dhënave zyrtare të Institutit të Statistikave, INSTAT, importet e mallrave nga Greqia në Shqipëri, gjatë periudhës janar-shkurt 2017 arritën në rreth 6.006 milionë lekë, rreth 862 milion7 lekë më të larta krahasuar me dymujorin e vitit 2016, kur u importuan 5.744 milionë lekë mallra.
Në vlerën e mallrave të eksportuara drejt shtetit fqinj, vendin kryesor e zënë grupi i mallrave “tekstile dhe këpucë” në vlerën 758 milionë lekë i ndjekur nga grupi “materiale ndërtimi dhe metale”. Importi i kësaj kategorie arriti për këtë periudhë vlerën e 304 milionë lekëve.
Ndërsa eksportet drejt Greqisë për këtë periudhë kanë shënuar një rritje të lehtë. Referuar të dhënave, eksportet shqiptare gjatë janar-shkurtit llogariten në vlerën e 1.655 milionë lekëve. Në vitin 2016 në dymujorin e parë të vitit, eksportet llogariteshin 1.464 milionë lekë.
