Para për të vazhduar aktivitetin minimarket në ambientet e 313-ës është afera që çoi në pranga Eduart Strugën, kreun e burgut dhe dy persona të tjerë.
‘Report TV’ mëson se së bashku me Strugën janë arrestuar biznesmeni Ervin Kurtulla dhe shefi i Logjistikës së burgut 313 Florjan Ahmetaj.
Për të tre këta persona SPAK ka depozituar në gjykatë kërkesën për caktimin e masës së sigurisë, ndërsa seanca pritet të mbahet të hënën.
Afera ishte në vlerën e 550 mijë lekëve, ndërsa Struga është arrestuar në ambientet e policisë së Tiranës teksa merrej në pyetje për këtë episod.
g.kosovari
