Një 53-vjeçar me iniciale F.S nga kryeqyteti ka tentuar që të vetëdigjet duke lyer trupin me benzinë, por ngjarja është parandaluar nga policia. Sipas policisë ngjarja ka ndodhur përpara godinës së ambasadës së Shteteve të Bashkuara të Amerikës. Ende nuk dihen rrethanat e ngjarjes por në vendin ku u lye dhe tentoi të vetëdigjej 53-vjeçari tashmë kanë shkuar forcat e policisë që po punojnë për zbardhjen e rrethanave që çuan 53-vjeçarin drejt këtij akti.
Ja njoftimi i policisë së Tiranës
Në Rrugën e “Elbasanit”, në afërsi të Ambasadës Amerikane, shtetasi F. S., 53 vjeç, banues në Tiranë, ka lyer trupin me benzinë.
Falë ndërhyrjes së menjëhershme të shërbimeve të Komisariatit të Policisë Nr 1, është bërë i mundur parandalimi i veprimeve të tij.
Ky shtetas ndodhet i shoqëruar në komisariat ku po merret në pyetje për të zbardhur arsyet e veprimeve të tij.
ma.me
