Në Elbasan duket se procesi i vaksinimit të grupmoshës mbi 70 vjeç vijon normalisht.
ABC news raporton se në këtë qark vaksinimi bëhet në 51 qendra të ngritura për procesin e vaksinimit anti Covid.
Mjekët e familjes janë dhe personat përgjegjës për njoftimin e të gjithë qytetarëve të kësaj grupmoshe që të shkojnë për të marrë vaksinën Sinovac që është aktualisht në vendin tonë.
Të moshuarit shprehen se nuk kanë frikë që të marrin dozën e vaksinës Covid.
“Na ka njoftuar mjeku i familjes. Po plotësoj formularin, nuk kemi frikë fare”, ka thënë një qyetar.
Ndërkohë nga fillimi i procesit të vaksinimit në Elbasan janë vaksinuar 2200 bluza të bardha, 300 pedagogë dhe 2500 të moshuar.
Gjithashtu vaksinimi me vaksinën kineze për grupmoshën mbi 70 vjeç vijon dhe në Vlorë.
Nga fillimi i procesit të vaksinimit në këtë qytet janë vaksinuar 10 350 persona, dhe vetëm me vaksinën Sinovac, 2280 të moshuar.
g.kosovari
