Edhe ky ishte një vit i paharrueshëm, i mbushur plot me ngjarje. E përditshmja Daily Mail ka publikuar pesë videot më të shikuara, që jo rastësisht përkojnë me pesë lajmet më të ndjekura.
-Në vendin e parë është video e sulmit në një kafene në Paris, si pjesë e sulmeve terroriste të nëntorit. Fotot tregojnë sulmin me kallashnikov të një prej terroristëve.
-Në vendin e dytë është video e vrasjes së një gazetareje dhe kameramanit të saj në SHBA. Alison Parker dhe Adam Ward u qëlluan për vdekje, teksa ishin në transmetim live. Autori i krimit, një koleg i tyre, që ishte pushuar nga puna. Ai e ndërmorri këtë sulm si hakmarrje. Vester Lee Flanagan vrau veten pasi u rrethua nga policia.
-Në vendin e tretë është videoja e vogëlushit Jaxon Emmet Buell. Njëvjeçari, pavarësisht se i mungon një pjesë e mirë e trurit dhe kafkës, më në fund thotë ‘përshëndetje’. Kjo është arsyeja pse ai quhet Jax Strong.
-Në vendin e katërt është videoja e një roje mbretërore në Britaninë e Madhe. Shpesh turistët i ngacmojnë rojet strikte, që nuk reagojnë. Por ky e humbi durimin dhe i drejtoi armën një turisti, që po e ngacmonte.
-Në vendin e pestë është momenti kur sërfisti i njohur Mick Fanning sulmohet live nga një peshkaqen gjatë një gare. Legjenda 34-vjeçare, tre herë kampion bote, lufton me grabitqarin dhe për çudinë e të gjithëve, mbijeton pa ndonjë dëmtim.
