Miti 1: Nxirja është në rregull, vetëm duhet të keni kujdes të mos digjeni
Fakti: Edhe pse vetëm një djegie mund të dyfishojë mundësinë për të zhvilluar melanomën (forma më e rëndë e kancerit të lëkurës), fëmijët janë në rrezik edhe nëse nuk digjen. Ekspertët theksojnë që rreziku nga kanceri i lëkurës rritet me çdo ekspozim në diell, madje edhe kur nuk ka djegie të dukshme.
Pohohet që çdo nxirje nënkupton që lëkura në fakt është e dëmtuar.
Miti 2: Çadra bllokon diellin
Fakti: Është e vërtetë që çadra mund të na mbrojë nga dielli, por jo tërësisht. Rëra në plazh reflekton, për shembull, rreth 17 për qind të rrezeve UV, prandaj ia vlen të jeni të kujdesshëm dhe gjithsesi të lyheni me kremrat me faktor të lartë të mbrojtjes, madje edhe kur ulemi nën çadër ose në freskinë e ndonjë druri.
Miti 3: Dielli nuk mund të depërtojë nëpër dritare
Fakti: E vërteta është që xhami filtron vetëm një lloj të rrezatimit, dhe këto janë rrezet UVB. Por, rrezet UVA depërtojnë edhe përmes xhamit, prandaj edhe gjatë vozitjes me automobil duhet të mbroheni. Kjo është edhe arsyeja pse të rriturit kanë më shumë pikla më anën e majtë të trupit, e cila gjatë vozitjes së automobilit është më e ekspozuar në diell. Rekomandohet që edhe gjatë vozitjes së gjatë me automobil të mbrohemi me kremra mbrojtëse dhe atë jo vetëm fytyrën, por edhe duart. Rekomandimi është që po ashtu tek blerja e automobilit të mendohet për xhamat e errësuar të cilat për katër herë reduktojnë rrezikun nga rrezatimi UVA.
Miti 4: Nëse lyhemi tepër me kremra për mbrojtje nga dielli, nuk do të marrin mjaft vitaminë D.
Fakti: Dihet që dielli është i dobishëm për shkak të vitaminës D. Për ta marrë sasinë e nevojshme të kësaj vitamine të rëndësishme, nuk janë të nevojshme sasitë e mëdha të rrezeve UV. Një pjesë e kësaj vitamine për shembull fitohet nga ushqimi, si qumështi ose lëngu i portokallit, me ekspozimin minimal në diell. Madje edhe me mbrojtjen e fortë me krem, rrezet e diellit përsëri do të depërtojnë në lëkurë dhe kjo do të jetë mjaftueshme që trupi të prodhojë vitaminë D.
Miti 5: Nëse moti është i vranët dhe me re, nuk nevojitet kremi mbrojtës
Fakti: Shkencëtarët pohojnë që 80 për qind e rrezeve të diellit mund të depërtojnë edhe përmes reve dhe nuk duhet të çudisë që disa të përfundojnë me djegie të rënda nga dielli, madje edhe kur është koha me re. Kjo vlen edhe gjatë dimrit në skijim sepse bora në mënyrë të shtuar reflekton rrezet UV.
