5 lëkundje tërmeti në 12 orë në Bulqizë/ Nënprefekti: S’janë raportuar dëme, banorët s’do lejohen të futen në pallatin që rrezikon shembje

Pesë lëkundje sizmike janë shënuar në më pak se 12 orë në Bulqizë. Lëkundja më e fortë ishte ajo e orës 16 e 8 minuta pasditen e djeshme.

Banorët e Bulqizës janë në ankth pasi epiqendra ishte vetëm pak kilometra larg qytetit në afërsi të Qafës së Buallit.

Nënprefekti i Bulqizës, Avni Muliu tha se nuk janë raportuar dëme nga lëkundjet e një dite më parë. Nga ana tjetër Muliu tha se i është kërkuar Bashkisë Bulqizë të mos lejojë rikthimin e banorëve në pallatin e rrezikshëm pasi mund të ndodhë ndonjë tragjedi. Që prej datës 29 tetor në rrethin e Bulqizës janë shënuar 12 lëkundje sizmike./m.j