Gjykata e Krimeve të Rënda ka lënë në burg 5 autorët e grupit criminal që vinin gjoba biznesmenit. Në një seancë me dyer të mbyllura Gjykata ka vendosur “arrest me burg” për Genc Ferhati, Pajtim Serinai, Arjanit Luli, Ditmar Reçi dhe Klevis Kardashi deri në përfundim të hetimeve nga Prokuroria e Krimeve të Rënda
Sipas këtij institucioni, 5 autorët në bashkëpunim me njëri-tjetrin kanë kërcënuar e gjobitur me 13 mijë euro shtetasin J.B.
Dy ditë më parë blutë e Tiranës arrestuan këtë grup personash i cili drejtohej nga Ferhati nëpërmjet Skype nga burgu i Peqinit, ndërsa në kërkim janë shpallur Elvis Karoli dhe Arben Haxhihyseni.
Sipas policisë ka qenë shtetasi J.B i cili ka denoncuar se në muajin shkurt është dhunuar në Tiranë nga personat e arrestuar dhe i kërkonin pagesë e lekëve.
Redaksia Online
(Javanews.al)
