Një person ka vdekur pasditen e sotme në Vlorë, pasi ka rënë në kontakt me rrymën elektrike.
Burime policore bëjnë me dije se rreth orës 16:26, në fshatin Radhimë, 45 vjeçari me inicialet A.V., banues në Orikum, ka rënë në kontakt me rrymën elektrike, si pasojë e të cilës ka gjetur dhe vdekjen.
Fillimisht ai është dërguar me urgjencë për në spital për të marrë ndihmën e nevojshme mjekësore, por ka humbur jetën gjatë rrugës duke mos mbijetuar dot.
Dyshohet se ngjarja ka ndodhur në një lavazho pranë vendit të quajtur “Kanali i Varkave”, Radhimë, të marrë me qera nga ana e tij,shkruan noa. Policia dhe grupi hetimor ndodhet në vendngjarje dhe po kryejnë veprimet për sqarimin e rrethanave dhe shkaqeve të ngjarjes./a.k
