Ngacmimi seksual është fenomen i përhapur në Kosovë dhe manifestohet në mënyra të ndryshme. Kështu ka vlerësuar Rrjeti i Grupeve të Grave të Kosovës, që të hënën ka publikuar raportin me të njëjtin emër, raporton Koha Ditore. Nga ky fenomen, sipas këtij raporti, më së shumti preken gratë dhe vajzat e reja. Vetëm në vitin 2014, 45.2% e kanë përjetuar këtë lloj ngacmimi, derisa 48.5% kanë përjetuar ndonjë formë të ngacmimit seksual gjatë jetës së tyre. 64.% e grave kanë konsiderueshëm më shumë gjasa që të kenë përjetuar ngacmim seksual se sa burrat, 32. %. Format më të shpeshta janë shakat komentet apo gjestet e padëshirueshme. Rrjeti i Grupeve të Grave të Kosovës ka bërë thirrje që të punohet më shumë në ndërgjegjësimin e shoqërisë rreth këtij fenomeni, pasi, sipas tij, përhapja e ngacmimit është shumë e lartë, por qytetarët hezitojnë të adresojnë në organet kompetente.
45.2% të femrave në Kosovë ngacmohen seksualisht
TË FUNDIT
