Gjithçka gati në Juventus Stadium, për një natë magjike për të zotët e shtëoisë. Juventusi pret sontë në 20:45 Realin e Madridit në ndeshjen e parë gjysmëfinale të Ligës së Kampioneve.
Stadiumi do të jetë i tejmbushur me biletat të gjitha të shitura, dhe i tëri i veshur në ngjyrat bardhezi.
Në fakt siç raportojnë mediat italiane kureshtja dhe interesi i tifozëve për këtë ndeshje ka qenë i madh aq sa biletat kanë arritur deri në 3500 euro për një vend në tribunë.
Kjo ndeshje do të ndiqet nga 30 televizione ndërsa në stadium do të jenë mbi 300 gazetarë.
Dy gjigandët e futbollit evropian ndeshen pas 12 vitesh në gjysmëfinalen e Ligës së Kampioneve ku për herë të fundit Juventusi arriti të eleminojë Los Blancos.
Sytë e publikut do të jenë mbi dyshen Tevez-Ronaldo, dikur shokë tek Mançester United, e tashmë liderë në dy ekipet respektive.
E thënë nga trajnerët kjo ndeshje nuk do të ketë favoritë, ndërsa verdiktin do ta japë fusha e blertë .
Redaksia Online
(JavaNews.al)
