Dita e 41-të e luftës! Tema kryesore është masakra e kryer në Bucha. Imazhet satelitore të qytetit ukrainas të Bucha, jo shumë larg Kievit, tregojnë një varr masiv në tokën e Kishës së Shën Andrea, aty ku raportohet se janë trupat e dhjetra civilëve. Shtabi i Përgjithshëm i Forcave të Armatosura të Ukrainës pretendon se ka nisur mobilizimi i rreth 60.000 ushtarëve.
Ministri i Jashtëm kinez Wang Yi bisedoi sot me homologun e tij ukrainas Dmitry Kuleb dhe Kina përsëri bëri thirrje për negociata për t’i dhënë fund konfliktit në Ukrainë. Thirrja është biseda e parë e raportuar midis dy ministrave të jashtëm që nga 1 marsi, kur Kuleba i kërkoi Pekinit të përdorte lidhjet e tij me Moskën për të ndaluar pushtimin rus, njoftoi Ministria e Punëve të Jashtme të Ukrainës.
Presidenti i Ukrainës do t’i drejtohet sot Këshillit të Sigurimit të Kombeve të Bashkuara. Edhe presidenti amerikan, Joe Biden, bëri thirrje për një gjyq për Putinin, e ndërsa SHBA dhe Britania e Madhe i kërkuan OKB-së që Rusia të pezullohet nga Këshilli i të Drejtave të Njeriut, por Moska vazhdon të mohojë përfshirjen e saj në këto masakra.
Ish-presidenti i Ukrainës Petro Poroshenko beson se çështja e integritetit territorial të Ukrainës nuk mund të jetë objekt i bisedimeve të paqes me Rusinë. Në të njëjtën kohë, ai thotë se “amnistia nuk mund të negociohet për jo-njerëzit që kanë kryer krime në Bucha, Mariupol, Oktirka, Chernihiv, Borodyanka, Gostomel, Vorzel, Kharkiv – në të gjithë Ukrainën. Ne nuk duhet t’i falim këta çnjerëzor”.
Ambasadori i Rusisë në OKB ka këmbëngulur se asnjë civil nuk u dëmtua gjatë okupimit një mujor rus të qytetit ukrainas Bucha dhe akuzoi Ukrainën për fabrikim të provave. Ai shtoi se gjithçka ishte “provokim i inskenuar” nga vendet perëndimore.
g.kosovari
