Ndërsa vendet në të gjithë Evropën fillojnë të lehtësojnë kufizimet e bllokimit, autoritetet në Greqi, Francë e Itali, po rihapin plazhet.
Greqi ka njoftuar hapjen e më shumë se 500 plazheve në vend.
Kryeministri Kyriakos Mitsotakis tha se sezoni i turizmit në Greqi do të fillojë në korrik.
Tani për tani, pushuesve u kërkohet të respektojnë rregullat e distancimit shoqëror në plazh. Jo më shumë se 40 njerëz lejohen për 1.000 m/katrorë.
Rregullat e qeverisë gjithashtu kërkojnë që rojet detare të kujdesen që çadrat të jenë të vendosura katër metra larg dhe shezlonget jo më afër se një metër.
Po ashtu edhe Italia ka vendosur hapjen e plazheve me 3 qershor, duke hequr rregullat e karantinës për të ardhurit. Ndërkohë në Francë kjo është fundjava e parë e lehtësimeve të bllokimeve, ndërsa Sllovenia u bë vendi i parë Europian që hapi kufijtë e saj. Në Evropën verilindore, Letonia, Lituania dhe Estonia po krijonin “flluskën e Balltikut” të tyre duke lejuar lëvizjen e lirë midis tre vendeve.
Qeveria hungareze gradualisht do të heqë kufizimet e bllokimit në Budapest nga e hëna, dy javë pasi ajo përfundoi bllokimin në pjesën tjetër të vendit.
g.kosovari
