Koronavirusi ka filluar të rrisë shifrat e viktimave në vendin tonë, duke i marrë jetën deri më tani 4 personave.
Ndërkohë në vetëm 24 orët e fundit kanë ndërruar jetë 2 persona dhe një i tretë është në vdekje klinike, ku mes tyre një 43 vjeçar i cili nuk vuante nga asnjë sëmundje tjetër, që do të thotë se Covid-19 nuk kursen edhe personat e shëndetshëm.
Pas këtij alarmi të ngritur, mjeku infeksionist Tritan Kalo, i cili po përballet vetë në vijën e parë me këtë virus dhe me pacientët, ku jep një mesazh të fortë për të gjithë shqiptarët.
“Jemi të izoluar në tre kate të ndryshme. NËSE MUNDENI transmetojeni këtë mesazh:
Ju bëj thirrje pjesës së popullit të padijshëm e të pandijshëm, se me këtë mënyrë sjellje të pa përgjegjshme përkundrejt Covid-19, nuk do të jetë e largët dita kur Italia do t’ju duket lule. Ruajeni e duajeni vetveten tuaj, qëndroni në shtëpi që t’ju mbrojë e shpëtoj Mjeksia e Perëndija bashkë. JU LUTEM!!!” Dr. T. Kalo”, paralajmëron mjeku. /e.s/
