Gazeta italiane ‘’ La Gazzeta del Mezzo Giornio’’ i ka kushtuar një reportazh Shqipërisë në të cilin kanë përshkuar ndryshimet që ka bërë vendi jonë për sa i përket ekonomisë, turizmit si dhe rritjen e sigurisë në porte.
Reportazhi nis me imbarkimin në tragetin Rigel III të Ventouris Ferries në Bari drejt Durrësit, ku ofrohen shërbime më cilësore se në linjat e Greqisë, Malit të Zi dhe Kroacisë.
Mbërritja në portin e Durrësit i përmbys imazhin kaotik të portit të Barit. Rregull, kontroll e siguri e lartë. Koha e qëndrimit në port nuk kalon 30 minuta qofshin këto pasagjerë në këmbë apo makina e kamionë. 28 kabina në dispozicion në Durrës e gjithçka qe regjistrohet në hyrje dalje në sistemet e policisë.
Gazetarët kanë pasur një takim më Zv/ministren e Brendshme Rovena Voda e cila pasi ka bërë një panoramë të reformave që ka ndërmarrë qeveria në kuadër të proceseve integruese ka shprehur shqetësimin edhe për sa i përket situatës në portin e Barit ku shpesh herë shtetasit shqiptar detyrohen të presin për orë të tëra.
“Jemi të shqetësuar për atë që ndodh në portin e Barit, sidomos ku fluksi i hyrjes dhe i daljes të rreth 8-10 mijë personave. Sigurisht nuk mund të them që këtu te funksionin gjithçka, por diçka nuk funksionon as andej nga ju’’
Konfirmimi për këtë vjen edhe nga Artur Beu i cili është oficeri i ndërlidhjes me Policinë Italiane.
’’Në muajt e verës si dhe gjatë kohës së Krishtlindjeve, porti i Barit nuk e përballon me efiçencë fluksin e shqiptarëve. Probleme me lëvizjet tranziteve dhe verifikimi i dokumentave janë ato që krijojnë shumë orë pritje dhe shqetësim te pasagjerët dhe autosportuesit janë lënë vetëm, me rrezikun për të pësuar çdo gjë’’
Në artikull gazetarët italianë kanë përshkruar edhe një eksperiencë personale të Këshilltarit të Ministrit për Çështjet Ndërkombëtare, i cili nga përvoja personale ka thënë se i janë dashur rreth 4 orë e gjysmë pritje për të dalë nga porti i Barit.
Gazetarët kanë parë nga afër edhe zhvillimin e turizmit në vend si dhe në kryeqytet. Udhëtimin e tyre gazetarët e mbyllin përsëri nga portin e Barit aty ku takojnë konsullin e Shqipërisë në Bari Adrian Haskaj, i cili tregon se vonesat e portin e Barit janë shqetësuese si për drejtuesit e kamionëve ashtu edhe për qytetarët.
Tashmë Shqipëria është vendi ku prodhohet siguri, ekonomia është në rritje dhe turizmi gjithashtu. Portet e dy vendeve janë në kontrast me njëri – tjetrin dhe këtë herë fiton Durrësi e Shqipëria
