ARRSH dhe Policia kanë prezantuar planin e menaxhimit e trafikut për shkak të punimeve që po vijojnë te Unaza e Madhe. Ata kanë deklaruar se qarkullimi te sheshi ‘Shqiponja’ do të ndalohet për 4 muaj.
Kalimi do të jetë i mundur vetëm për ambulancat, ndërsa iu kërkohet drejtuesve të mjeteve të zgjedhin akse të tjera për kalimin e tyre. Automjetet nga Durrësi do devijojnë drejt pallatit me shigjeta ndërsa ato që vijnë nga jugu do të zgjedhin për kalim aksin Tiranë-Elbasan.
“Plani është dinamik me ecjen e punimeve. Në rrugë do kenë akses vetëm abulancat. Lutemi drejtuesve që vijnë nga Jugu i vendit të zgjedhin për kalim aksin Tiranë-Elbasan, kurse ata që vijnë nga Kavaja të përdorin aksin nga Ndroqi”,– tha përfaqësuesi i policisë.
Situata mësohet se do të jetë e përkohshme, ndërsa paraprakisht thuhet se do të zgjasë 3 apo 4 muaj.
g.kosovari
