Nga Flogert Muça/
Shtatori ka sjellë sërisht politikën aktive. Me një qeveri që pret të dekretohet nga presidenti dhe me një opozitë e cila pak muaj më parë mori një humbje të thellë, shtatori pritet të jëtë një muaj, qw mesa duket nuk pritet të sjellë ndonjë gjë të re të paktën nga ana e opozitës së Bashës. Ajo do mbetet sërish te droga si kauzë dhe nxirja e Shqipërisë në sytë e partnerëve tanë ndërkombëtare në kohën kur shanset për çeljet e negociatave Shqipëri-BE janë më konkrete se asnjëherë më parë.
Ai prej ditësh ka stisur një debat nga ish-manekini i tij teknik në krye të ministrisë së Brendshme, me histori radarësh dhe drogë të dyshuar. Një retorikë e vjetër kjo e Bashës i cili e mbajti sa kalë beteje për më shumë se një vit dhe në finale, shqiptarët në 25 qershor i dhanë atë rezultat që i dhanë.
Mirëpo, mesa duket Basha nuk është bindur akoma dhe nuk ka nxjerrë asnjë mësim. Po t’i hedhësh një sy gjithë debatit për radarët, kuptohet lehtë që e gjitha ishte dhe është një strategji e Bashës, për të ngritur një kauzë, për të patur diçka mbi të cilën të flasë në kushtet kur humbja e 25 qershorit e ka delegjitimuar atë në një pikë të pakthyeshme.
Në kushtet kur shqiptarët i dhanë rezultatin më të dobët që PD ka marrë në 26 vjet, ai ka vendosur të bëjë lëvizjen e tij të vjetër, atë të baltosjes së Shqipërisë me shpresën se BE do e besojë e lërë Shqipërinë mënjanë.
Plani i Bashës për rastin e radarëve është i thjeshtë për tu kuptuar dhe i dobët për tu besuar.
4 ishin hapat që ndoqi Basha për të ngritur një vorbull në një gotë me ujë.
Hapi 1. Personi që ka përdorur si marionetë ka qenë “tekniku”i tij në krye të ministrisë së Brendshmë, Dritan Demiraj. Ky i fundit shërndau dje një letër të shkëmbyer me Drejtorin e Përgjitshëm të Policisë, Haki Çako në 11 gusht, ku flitej për aksionet kundër trafikut të lëndëve narkotike. Mirëpo, letrën e datës 11 gusht Demiraj e publikoi dje, pra 1 muaj më vonë. Ky ishte hapi i parë i planit të Bashës.
Hapi 2.
Pyetja që lind është , pse Demiraj e nxorri dje korospondecën me Çakon?
Sepse që pas nxjerrjes së lajmit të parë, departamenti i raporteve në PD me anë të një maili zyrtar ka nxirë Shqipërinë duke u dërguar deputeteve të Partive Popullore në Parlamentin Europian një lajm nga një media gjërmane, ku në fakt nënvizohej puna e policisë së shtetit në luftën kundër kanabisit, pavarësisht problemeve në pasijet që policia ka në dispozicion të saj. Siç raportuan edhe mediat, PD e manipulonte dje artikullin në mailin e dërguar deputetëve të Partive Popullore në Parlamentin Europian, duke nxirë gjithçka. Ky në fakt ishte hapi i dytë i planit të Bashës për t’i nxirë faqen vendit.
Hapi i tretë i Bashës për të nxirë Shqipërinë ishte nxjerrja e letrës së vetë Demirajt sot, i cili thotë se i ka shkruar ministres Kodheli për radarët, duke e fajësuar këtë të fundit se qëllimisht i ka fikur ato. Ky është momenti kur kuptohet që e gjitha ishte një skenar i parapërgatitur, ku vetë Demiraj do të hidhej në sulm si militant, siç ka qenë gjatë gjithë kohës.
Hapi 4. Vulën më pas planit të tij ja vuri Basha vetë kur pas 3 hapave të parë, reagoi vetë sot në Facebook ku tha ato që ka thënë gjatë gjithë dy viteve të fundit të qeverisë “Rama 1”, duke u nisur natyrisht nga ajo që kishte prodhuar në 3 hapat e parë.
Ai gjithësesi po bën betejën e tij, por në kurriz të vendit. Bashës edhe të vetët ja kanë thënë e stërthënë që është në rrugën e gabuar, mirëpo ai duke përjashtuar kritikët ka vazhduar të këmbëngulë në gabim duke e lënë vendin pa opozitë, por edhe duke i vënë vazhdimisht një njollë në sytë e botës. Kjo do të thotë se marrëveshja mesa Ramës dhe Bashës për të folur një gjuhë positive jashtë kufinjve për të mirën e Shqipërisë, ka marrë fund me strategjinë e re të Bashës.
/lexo.al
