Zbulohet në portin e Durrësit një ngarkesë heroine e fshehur në një kamion të nisur drejt Italisë, duke parandaluar një tentativë për trafikim të drogave të forta.
Si rezultat i informacioneve të siguruara nga policia e Durrësit me atë Kufitare, u vu në pranga Dhimiter Zykaj, 49 vjeç, banues në Babrru, Tiranë.
Mbrëmjen e së dielës në Pikën e Kalimit Kufitar Port Durrës, shërbimet e Policisë Kufitare, në bazë të analizës së riskut, ushtruan kontroll të imtësishëm në vijën e dytë, në kamionin që e drejtonte 49-vjeçari.
Si rezultat i kontrollit, poshtë sediljeve u konstatuan dy vende të fshehura brenda të cilëve ishin fshehur 68 pako me lëndë narkotike të dyshuar heroinë.
Në cilësinë e provës materiale u sekuestrua lënda narkotike heroinë me peshë totale rreth 38 kilogramë.
E veçanta e pakove ishte ngjitja me kryqe natribani me ngjyra të ndryshme, për të dalluar pakot e destinuara për grupe të ndryshme në shtetin fqinj.
Nda të dyshuarit hetimet janë në vijim, ndërkohë që materialet iu referuan Prokurorisë së Durrësit, për veprën penale “Trafikimi i narkotikëve, në bashkëpunim”.
g.kosovari
