Reforma në Drejtësi u votua nga 140 deputetët e Kuvendit duke u gdhirë 22 korriku, por jo të gjithë nenet kanë marrë miratim unanim. 38 deputetë të parlamentit shqiptar nuk morën pjesë të paktën në votimin e një neni gjatë seancës historike të kalimit të ndryshimeve kushtetuese për reformën në drejtësi.
Si asnjë herë për votimin nen për nen të reformës në drejtësi, u përdor në Kuvend votimi elektronik, ndryshe nga votimi i zakonshëm me karton.
Të kontaktuar nga Shqiptarja.com të gjithë deputetët shprehen të habitur për faktin se emri i tyre është regjistruar në kategorinë e ligjvënësve që nuk kanë marrë pjesë në votimin e disa neneve. Ata japin si të vetmin shpjegim mosfunksionimin e mirë të elektronikës, apo mos kapjen e kohës gjatë votimit.
Vetëm ish-kryeparlamentarja Jozefina Topalli ka vendosur që të pranojë faktin se nuk e ka votuar me vetëdije një prej neneve të draftit të Reformës në Drejtësi.
shqiptarja.com/d.i.
