Në kuadër të masave të marra për mbajtjen nën kontroll të situatës së rendit në qarkun e Fierit, janë shtuar kontrollet në akset rrugore si edhe në vendet që frekuentohen nga persona me precedent kriminal.
Si rezultat i kontrolleve, nga Forca e Posaçme “Shqiponja” në qytetin e Lushnjës u ndalua automjeti tip “BMW” me drejtues shtetasin Soni Pepa.
Gjatë kontrollit, në automjetin e këtij shtetasi u gjetën 49.980 Euro për të cilat nuk kishte dokumentacion shoqërues me vete dhe dyshohet se janë përfituar nga aktivitet i kundërligjshëm, të cilat u sekuestruan në cilësinë e provës materiale.
Në vijim të veprimeve hetimore, specialistët për Hetimin e Krimeve në Komisariatin e Policisë Lushnjë, proceduan penalisht Pepën 37 vjeç, banues në Belsh.
Vijon puna për dokumentimin ligjor në lidhje me burimin e të ardhurave të këtij shtetasi.
Materialet i kaluan Prokurorisë pranë Gjykatës së Shkallës së Parë Lushnjë për veprën penale “Pastrimi i produktit të veprës penale ose veprimtarisë krim.
/a.r
