Deputeti i Partisë Demokratike, Dashnor Sula thotë se nuk mori pjesë në asnjë nga mbledhjet që dy grupimet në këtë forcë politike organizuan për 32-vjetorin e themelimit.
Në një intervistë për Euronews Albania, Sula u shpreh se do të mbajë qëndrimit e tij pas vendimit të gjykatës, ku shtoi se nuk është për ndarjen, por për bashkimin e Partisë Demokratike.
“Unë nuk kam marrë pjesë dje, në asnjë event, as në njërën dhe as në tjetrën. Më vjen turp, thjesht më vjen turp. Unë ua kam thënë edhe kolegëve të mi, pavarësisht që jam te Grupi Parlamentar dhe pres, një pjesë më thonë pse pret kur janë shumica. Unë jam institucional, vij nga një prfoesion i ish-prokurorit që e njoh ligjin dhe e kam të shenjtë.
Në çastin që do të ndahej se kujt i takon sigla e PD-së, do mbaj një qëndrim. Nuk jam që të ndahet PD-ja dhe pikërisht pse jam për këtë, nuk i jap të drejtë asnjërës palë”, theksoi ai.
/s.f
