Këshilli i Lartë i Prokurorisë ka nisur diskutimin për verifikimin e kushteve ligjore për kandidatët e SPAK.
Komisioni i Zhvillimit të Karrierës pasi ka marrë aplikimin e 3 kandidatëve (Adnan Xholi, Altin Dumani dhe Edvin Kondili) ka arritur në përfundim se ata nuk kanë masa disiplinore në fuqi dhe se kanë paraqitur platformën e tyre.
Sipas KLP, Adnan Xholi, Altin Dumani dhe Edvin Kondili plotësojnë kushtet ligjore për të vazhduar garën për kreun e SPAK.
Kandidatura e tyre miratohet me 10 vota pro, në mungesë të anëtares Esmeralda Keshi.
Më 19 dhjetor merr detyrën drejtuesi i ri dhe Kraja mbetet prokuror i SPAK, pasi si prokuror mandati është 9 vite ndërsa si drejtues zgjidhet çdo 3 vite.
Drejtuesi i SPAK nuk ka të drejtë rizgjedhjeje, gëzon vetëm 1 mandat.
/s.f
