Ka arritur në 3,269,718 firma deri më tani peticioni për të kryer një referendum të dytë në Britani, pas atij që solli largimin e vendit nga BE. BREXIT ishte një rezultat i ngushtë mes atyre që donin të qëndronin dhe atyre që zgjodhën që ta shihnin vendin e tyre jashtë Bashkimit Europian, 52% me 48%. Por në fakt, ky 48%, që i përkthyer në numra është më shumë se 16 milionë njerëz, ka nisur firmosjen e një peticioni që tashmë po arrin në 3.5 mln. Kërkesa është bërja e një referendumi të dytë, që për shumëkënd do të sillte një rezultat krej tjetër.
Sipas ligjit parlamenti britanik ka për detyrë të marrë në shqyrtim të gjitha peticionet që marrin më shumë se 100 mijë firma, ashtu siç ka për detyrim që t’i përgjigjet atyre.
Tashmë kërkohet që për referendumin të ketë një rregull të ri: nëse vota e secilit kamp është më pak se 60%, bazuar në një nivel pjesëmarrjeje prej më pak se 75 për qind, atëherë duhet të mbahet një referendum i ri.
Për të parë peticionin dhe numrin e personave që e kanë firmosur deri më tani klikoni KËTU
Per të parë ku eshte kerkuar me shume një referendum i dytë kliko KETU
A është e mundur që të bëhet një referendum?
Një referendum i dytë nuk është diçka e paprovuar apo që nuk ka ndodhur dhe është plotësisht e mundshme. Për të ka shumë rrugë, por dy syresh mund të ishin ato më të mundshmet. Zgjedhje të përgjithshme, diçka që do të kërkonte një mocion në dhomën e përfaqësuesve të parlamentit dhe votimin me dy të tretat. Ose e dyta, “përdorimi” i Jo-së së britanikëve për të vënë në kushte negociimi BE-në, që të ofrojë një marrëveshje më të mirë në rast se do që vendi të qëndrojë në union. Kështu shprehet juristi anglez Jolyon Maugham/JAVA/a.k
