3 janë kandidaturat që do të garojnë për postin e kryetarit të forumit rinor të Partisë Demokratike pas vendimit të liderit të PD Lulzim Basha për të rifreskuar këtë strukturë partiake.
Tre anëtarë të kryesisë së PD, Ervin Salianji, Belind Këlliçi dhe Oriela Nebiaj janë 3 kandidaturat e reja në garën për postin e kreut të FRPD.
I pari që shpalli kandidimin ishte kreu i departamentit për të Përndjekurit dhe Pronarët, Belind Këlliçi. Nga ana tjetër, Ervin Salianji, një tjetër drejtues departamenti, ai i atij për të Drejtat e Njeriut, ka shprehur ambicien për të qenë në krye të forumit rinor demokrat.
Oriela Nebiaj, zëdhënësja e Partisë Demokratike po ashtu ka shpallur kandidaturën e saj për tu bërë kryetarja e FRPD.
