Lajmi trishtues vjen nga një ekip i studiuesve ndërkombëtarë në botën e shkencës së mjedisit me një botim të thjeshtë në revistën “Nature”. Studimi në fjalë, shpjegon se të dhënat e reja tregojnë se ajri që thithim vret 3.3 milionë njerëz çdo vit në mbarë botën. Ky fenomen pra vret më shumë njerëz se sa virusi HIV dhe malaria të marra së bashku. 75% e të personave të vdekur kanë humbur jetën për shkak të ajrit të ndotur, i cili u ka provokuar sulm në zemër.
Vendi që po vuan më shumë është Kina me 1.4 milionë vdekje në vit, pasuar nga India (645.000 veta) dhe Pakistani (110.000 veta). Por shkaqet ndryshojnë në varësi të vendeve. Kështu pra në qoftë se në Azi është bërë shkak i këtij fenomeni urbanizimi i shpejtë dhe ngritja e “qyteteve të mëdha”, në vendet si Shtetet e Bashkuara shkaku qëndron te praktikat e tyre bujqësore. Në faqen e internetit Mother Jones shpjegohet se “amoniaku, i përdorur në plehra dhe mbeturinat e kafshëve, të kombinuara me produkte kimike të termocentraleve, si dhe ndotja e automjeteve, kanë krijuar një re ndotjeje në qytetet amerikane”. Këto emisione bujqësore, për të cilën shumë pak flitet, po bëhen gjithnjë e më të rëndësishme dhe ende askush nuk merret me to.
Megalopolet amerikane si dhe kineze kanë shprehur gatishmërinë e tyre për të bërë përpjekje në zbritjen e emetimit të karbonit deri në vitin 2030. Për këto premtim shumë ekspertë janë skeptikë./Monitor/
