Kryeministri Rama është duke bërë homazhe tek Varrezat e Kombit dhe po vendos kurorë tek “Nëna Shqipëri” me rastin e 29 Nëntorit, 74-vjetori i Çlirimit të Shqipërisë nga regjimi fashist.
Në nder të kësaj dite do të zhvillohen edhe një sërë aktivitetesh. Forcat e Armatosura të Shqipërisë do të organizojnë një event prezantues nga ora 10:00 deri në orën 13:00, në Pedonalen e Tiranës.
Debati për Festën e Çlirimit mbetet ende i ndezur në politikën shqiptare, ku e djathta ndjek të njëjtin model si gjatë mandatit të saj të parë qeverisës, kur ndryshoi datën e kësaj feste, nga 29 Nëntori më 28 Nëntor, pasi sipas saj, kjo e fundit ishte zgjedhur nga regjimi komunist duke falsifikuar historinë.
