Në 25-vjetorin e sulmeve të 11 shtatorit 2001, kreu i shërbimit britanik të inteligjencës së brendshme MI5, Ken McCallum, ka paralajmëruar se bota mund të përballet së shpejti me një “tronditje strategjike” të re, e cila sipas tij mund të jetë tashmë në proces në një vend që nuk monitorohet nga agjencitë globale të sigurisë.
McCallum u shpreh se shërbimet e sigurisë nuk duhet të kënaqen me mësimet e së kaluarës, por të përgatiten për rreziqe të reja që mund të marrin forma krejtësisht të ndryshme.
“Ne e dimë që tronditja e ardhshme strategjike, për nga përkufizimi, nuk do të ngjajë me atë të mëparshmen. Dhe ky mund të jetë mësimi më i rëndësishëm nga të gjithë,” shkroi ai në një artikull të botuar në The Independent.
Ai u bëri thirrje institucioneve të sigurisë që të mos kënaqen me mësimet e së kaluarës, por të përgatiten për rreziqe të reja që mund të marrin forma krejtësisht të ndryshme.
Në një artikull opinioni të botuar në The Independent, McCallum, ai theksoi se shërbimet e sigurisë nuk duhet të përgatiten për “armikun e djeshëm me metodat e djeshme”, por të përshtaten me sfidat e reja. McCallum paralajmëroi se shoku i ardhshëm mund të jetë duke marrë formë në një vend që nuk është ende në radarët e inteligjencës ndërkombëtare.
McCallum nënvizoi se, pavarësisht rënies së fuqisë, al-Kaeda mbetet një kërcënim serioz, me synimin për të kryer sulme masive. Ai përmendi pengimin e një komploti terrorist në Mançester, që synonte të vriste qindra njerëz në sulme kundër komunitetit hebre.
Drejtori i MI5 shtoi se agjencia po përballet gjithashtu me agresion të sponsorizuar nga shtetet, përfshirë operacione sabotimi dhe sulme kibernetike ndaj infrastrukturës kritike, si termocentralet.
Ndryshe nga viti 2001, sot shumë sisteme dhe shërbime janë në duart e sektorit privat. McCallum theksoi se mbyllja e boshllëqeve të sigurisë dhe reagimi i shpejtë ndaj krizave kërkon bashkëpunim mes qeverive, bizneseve, universiteteve dhe institucioneve kërkimore.
“Ua kemi borxh viktimave të 11 shtatorit dhe atyre që mund të bëhen viktima të sulmit të nesërm, më shumë sesa thjesht përkujtim. Ua kemi borxh gatishmërinë, qëndrueshmërinë dhe guximin për t’u përshtatur para se të vijë tronditja e radhës,” shkroi ai.
Më 10 shtator 2026, Nju Jorku përkujtoi viktimat e sulmeve të 11 shtatorit 2001, ku 19 anëtarë të al-Kaedës rrëmbyen katër avionë civilë, duke përplasur dy prej tyre në kullat e Qendrës Botërore të Tregtisë, një në Pentagon dhe një tjetër që u rrëzua në Pensilvani pas rezistencës së pasagjerëve.
Sulmet shkaktuan gati 3,000 viktima dhe shënuan një pikë kthese në politikën dhe sigurinë globale, duke çuar në luftën amerikane në Afganistan për të ndjekur al-Kaedën dhe përmbysur regjimin e talebanëve.
