Një 18-vjeçare nga qyteti i Krujës ka përjtuar një histori ankthi pasi përndiqej prej kohësh nga një bashkëqytetar i saj. 25-vjeçari me inicialet F.D. prej kohësh përndiqte vajzën e re dhe i kërkonte asaj të lidheshin bashkë.
Por i gjendur përballë refuzimit të prerë të 18-vjeçares A.D., shtetasi në fjalë ashpërsoi tonin e komunikimit me të renë duke e kërcënuar disa herë.
Ai e ndalonte vajzën në rrugë dhe i bënte pritë pranë lagjes së saj, duke i’u kthyer në një makth të vërtetë. Djali i kërkonte vajzës lidhje serioze për martesë, por nuk arriti të bindë adoleshenten e cila më pas u tregoi edhe familjarëve për përndjekjen nga i riu.
Pas kohësh të tëra nën preisonin e vazhdueshëm, dhe kur 25-vjeçari nuk pranonte të hiqte dorë vajza gjeti kurajën të tregojë historinë që i ishte kthyer në makth te familjarët.
Më pas, vajza i’u drejtua edhe komisariatit të policisë në qytetin e Krujës, ku rrëfeu të gjithë historinë e përndjekjes nga 25-vjeçari F.D.
Tashmë ky shtetas po hetohet nga prokuroria. Paraprakisht mësohet se ai ka deklaruar para hetuesve se nuk e ka kërcënuar asnjë moment vajzën, por i ka kërkuar të lidhin kurorë së bashku. /Javanews/a.m.
