25 vite nga ardhja e Sekretarit të Shtetit Baker.. ja çfarë u tha ai 300 mijë shqiptarëve në shesh

Ambasada e SHBA në Tiranë kujton sot  21 qershorin e 25 viteve më parë, kur Sekretari i Shtetit James A. Baker III, iu drejtua shqiptarëve në sheshin Skënderbej.

Në një postim në faqen e ambasadës së SHBA në Tiranë, thuhet:

“Kanë kaluar 25 vjet që kur Sekretari i Shtetit, James A. Baker III, iu drejtua 300,000 shqiptarëve në sheshin Skënderbej. Shqiptarët duhet të jenë krenarë për përparimin e mahnitshëm që kanë bërë gjatë këtyre 25 viteve të fundit. Shtetet e Bashkuara qëndrojnë pranë jush ndërsa punoni për të arritur gjithçka që mbetet për t’u bërë”