Infertiliteti po shënon rritje shqetësuese duke prekur rreth 1 në 6 çifte. Nga të dhënat zyrtare qartësohet se barra e fajit ndahet njësoj mes feramve dhe meshkujve por ajo që shqetëson më shumë është i ashtuquajturi “Infertilitet idiopatik” ose i pashpjegueshëm.
Përllogaritjet tregojnë se 25% e çifteve nuk arrijnë të konceptojnë një fëmi edhe pse nuk kanë një shkak të qartë mjekësor.
“Infertiliteti idiopatik ndodh kur ti bën ekzaminimet e mashkullit dhe të femrës dhe rezultojnë të dy pa problematika sugjeruese për infertilitetin. Por kjo nuk do të thotë që këta janë në rregull, sepse, në praktikën tonë të përditshme investigative dhe diagnostike në lidhje me infertilitetin, probabilisht mund të ketë probleme të cilat sot ende shkenca dhe mjekësia jonë nuk mund t’i identifikojnë, që mund të jenë në nivel molekular, gjenik apo kromozomik”, u shpreh Redi Hoxhallari – Obstetër Gjinekolog, Zv/drejtor Materniteti “Koço Gliozheni”
Kjo situatë përkthehet në një sfidë për çiftet pasi shpesh ata humbasin kohe duke kërkuar shkakun dhe vendimmarrja bëhet shumë e vështirë për trajtimin. Mjeku Hoxhallari ka një këshillë për këto raste.
“Të mos e flenë mbi dafina se një ditë do gjendet shkaku por ti nënshtrohen procedurat të fertilizimit invtro”, tha ai.
Infertiliteti idjoptaik ka peshë të rëndë në çift. Mungesa e fertilitetit edhe kur analizat dalin mirë përkeqëson jo rrallë marrëdhënien mes tyre me pasiguri dhe frika për të ardhmen pa lënë pas kostot ekonomike dhe presionin social.
