Debatit për numrin e fryrë të veteranëve të Ushtrisë Çlirimtare të Kosovës (UÇK) i është bashkuar edhe drejtori ekzekutiv i organizatës “FOL”, Petrit Zogaj dhe ai ka nxjerrë një rrëfim tjetër.
Duke cituar një punim të gazetares Garantina Kraja të vitit 2001 e që përdor të dhëna të organizatës IOM që po ndihmonte atekohe de-militarizimin e UÇK-së, Zogaj nxjerr që numri i pjesëtarëve të UÇK’së në regjistrimet e para është fryrë për më shumë së 100 %.
“Punimi akademik mbi mënyrën dhe trendet e rekrutimit te UÇK-se citon të dhënat e IOM-it i cili ka bërë regjistrimin e pjesëtarëve të UÇK-së në prag te demilitarizimit në 1999. Ai thotë se UÇK ka pasur 24,577 pjesëtarë. Ndërsa, ne kemi në lista dyfishin e tyre. Ne tabelat po ashtu shihen edhe numri sipas rajoneve. Ketu, prej Kryeministrit e deri tek përgjegjësi ma i vogël i UÇK-së duhet me dhënë llogari”, ka shkruar Zogaj në facebook. (b.an)
