23 vjeçarja vendos të jetojë në tren: Kushton lirë!
Që nga 1 maji i 2015 Leonie Muller, studente gjermane 23 vjeç, nuk ka më një adresë të sajën. Ajo jeton…në tren. Udhëton vazhdimisht, duke e kaluar kohën tërësisht në udhëtim. “Gjithçka nisi pas një sherri me pronaren e shtëpisë ku banoja”, thotë Muller. Ajo ka blerë një abone që i lejon të udhëtojë me të gjitha linjat brenda Gjermanisë. “Qeraja e shtëpisë ku rrija kushtonte 450 USD, kurse aboneja e trenit vetëm 380 USD”, shprehet e qeshur Muller.
Ajo jeton në tren, duke pasur pranë vetes vetëm kompjuterin, disa rroba dhe sende të higjenës vetjake. Fle mbi sediljet e trenit, studion duke u mbeshtetur pranë dritareve, ndërkohë që treni e çon nga një qytet në tjetrin. “Lexoj, udhëtoj, shkruaj dhe takoj gjithmonë njerëz të sjellshëm”, thotë studentja gjermane.
