Pas hetimeve intensive për gati një vit, 23-vjeçari shqiptar Kevin Peraj është shpallur fajtor për vrasjen e 19-vjeçarit Ahmed Habib në Londër të Britaninë e Madhe.
Inspektori detektiv Brett Hagen është shprehur se pas shqyrtimit të të gjitha kamerave të sigurisë është arritur në përfundimin se Peraj në bashkëpunim me një person tjetër ka sulmuar me thikë të riun.
“Shpresoj që Peraj të përballet me pasojat e veprimeve të tij dhe ju të gjeni pak qetësi”, i është drejtuar ai familjarëve të viktimës.
Ngjarja e rëndë ka ndodhur rreth orës 02:50 të 11 korrikut 2024, në kryqëzimin e Tollington Park. Habib u gjet u godit me thikë brenda automjetit të tij, ndërsa i plagosur mbeti edhe një person tjetër.
Mësohet se natën e vrasjes, Peraj tentoi të largohej nga Mbretëria e Bashkuar përmes aeroportit, por iu anulua fluturimi. Më pas, ai është kthyer në Shqipëri përmes Eurotunelit. Megjithatë është rikthyer shumë shpejt në Britani, mbase me idenë se autori i krimit nuk ishte identifikuar. U arrestua më 16 Korrik 2024.
Motivi i sulmit mbetet ende i paqartë.
