Zëvendës ministri i Shëndetësisë deklaroi se zyrtarisht në vendin tonë nuk ka asnjë person të infektuar me variantin e Covid-19 që shpërtheu nga Britania e Madhe.
I ftuar në “Open”, ku u fol dhe për lajmin e 22-vjeçares shqiptare që doli në mediat gjermane, ai tha se nuk ka asnjë dijeni dhe se zyrtarisht nuk ka të dhëna.
“Unë nuk kam informacione për lajmin e gazetës gjermane për 22-vjeçaren shqiptare që kur ka ikur në Gjermani ka rezultuar me variantin britanik të Covid-19. Zyrtarisht nuk kemi asnjë rast me variantin britanik të Covid-19. Të paktën deri në orën 5 kur kam lënë punën nuk kishim asnjë rast,”- tha Nikolla.
Por Gjergji Koja, tha tjetër version. Ai u shpreh se në Shqipëri mund të ketë, pasi vendet fqinje kanë shumë raste dhe jemi rrethuar tashmë nga vende që kanë të infektuar me variantin e Covid-19.
“Nuk është çudi, tashmë vendet e rajonit kanë të infektuar. Mund të ketë ardhur në vendin tonë. Nuk është ndonjë çudi,”- shtoi Koja.
g.kosovari
