Prej 22 vitesh fshati Mazhe në Krujë nuk furnizohet me ujë të pijshëm. Banorët e fshatit duhet të lëvizin çdo ditë 24 kilometra për të siguruar ujin.
Banorët e fshatit Mazhe në rrethin e Krujës kanë mbi një dekade që vuajnë mungesën e ujit të pijshëm. Ujësjellësi që furnizonte ketë fshat me ujë pësoi defekt në 1995 duke lënë prej 22 vitesh pa ujë të pijshëm këtë fshat.
Banorët e Mazhes thonë se tubacioni i këtij ujësjellësi u vodh dhe sot as rrjeti i dikurshëm i këtyre tubacioneve metalike nuk ekziston. Ndonëse banoret nuk i kane reshtur kërkesat dhe ankesat e tyre në komune, bashkine Kruje dhe në prefekturën e Durrësit asnjë zgjidhje nuk kane gjetur.
“Në fshatin Mazhe Vogël nuk kemi ujë të pijshëm që prej 10 vitesh kjo vjen për shkak të fajit të pushtetit lokal dhe atij qendrorë. Kemi kërkuar në prefekturë dhe bashki dhe ne sot akoma nuk kemi ujë të pijshëm.Turp për qeverinë!” thotë njëri prej banorëve.
“Sa herë që bëhet fushatë për zgjedhje vijnë këtu dhe na gënjejnë, asnjë gjë nuk bëjnë, premtojnë se do sjellin uji dhe do bëjnë investime por si përfundim nuk bëjnë asnjë gjë,”shpjegoj njëri prej banorëve.
“Unë jam banor i fshatit këtu nuk ka uji të pijshëm, e blej në Qaf-Shtamë për vete,” u shpreh një tjetër banorë.
Ky ujësjellës siguronte ujin e pijshëm për 500 familje te cilat sot ose e blejnë ose ato qe nuk kanë mundësi ta blejnë, e mbushin 12 kilometra larg ne fshatin Bilaj duke bërë 24 kilometra vajtje ardhje ne dite.
Në vitin 1988 u ndërtua një ujësjellës qe furnizonte ketë fshat me ujë gjë që vijoi deri në vitin 1995 e me pas stacioni i pompave të këtij ujësjellësi pësoi defekt e që nga ajo ditë ky fshat nuk ka ujë të pijshëm./shqiptarja.com/b.d
