Prokuroria për Krime të Rënda kërkon dënimin me një total prej rreth 53 vitesh burgim për 7 persona të arrestuar gjatë një tentative për të trafikuar drejt Italisë rreth 900 kg drogë.
Organi i akuzës në pretencnën e saj ka kërkuar 53 vite burg për veprën penale të “trafikimit të lëndëve narkotike”, kryer në bashkëpunim, për 7 trafikantët
Sipas prokurorisë, 7 të arrestuarit bashkëpunim me njëri-tjetrin, kanë tentuar të trafikojnë me skaf nga Vlora drejt brigjeve italiane sasinë prej mbi 900 kilogramë lëndë narkotike kanabis sativa. Lënda narkotike është bllokuar nga forcat e policisë së shtetit në dhjetor 2013.
Prokuroria për Krime të Rënda kërkon dënimin si më poshtë:
1. Jorgo Naçi, të dënohet me 8 vite e 8 muaj burgim.
2. Niko Brahimi, të dënohet me 7 vjet e 4 muaj burgim.
3. Athenajdo Abazi (Amarildo Abazi), të dënohet me 10 vjet burgim.
4. Saimir Shosha, të dënohet me 8 vite burgim.
5. Edison Latifi, të dënohet me 7 vjet e 4 muaj burgim.
6. Agur Malaj, të dënmohet me 6 vjet e 8 muaj burgim.
7. V.B, të dënohet me 4 vite burgim (në zbatim të marrëveshjes së bashkëpunimit).
Redaksia Online
(Javanews.al)
