Rezart Taçi ka folur ekskluzivisht në “Zona Zero”, pas akuzave se rezulton i përfshirë në pastrim parash.
Dy prej italianëve, tashmë të arrestuar, Francesco Zummo, 90 vjeç dhe ekonomisti i tij Fabio Petruzzella, kanë ardhur në Shqipëri në muajin qershor ku hapën edhe llogari bankare për të transferuar më pas 18 milionë eurot që u sekuestruan sot nga SPAK.
Në dosjen e siguruar nga “Zona Zero” Fabio Petruzzella thotë “ kam dërguar 20 milionë euro në Shqipëri. Nëse nuk m’i lirojnë, Rezarti m’i zhbllokon”.
Gjithsesi, biznesmeni ka mohuar të ketë lidhje me paratë. Ai deklaron se do të përballet me drejtësinë shqiptare.
“Rezarti nuk ka asnjë fuqi institucionale. Këto para që janë të pista kanë ardhur përmes sistemit bankar nga Zvicra.
Nëse Zvicra i jep këto lekë, dhe Shqipëria i pranon. Çfarë roli kam unë? Unë nuk jam drejtues banke. Jam qytetar i lirë.
Fabio Petrucela është një ekonomist në Milano, ka mik një mikun tim. Do të përballem me drejtësine shqiptare”, tha Rezart Taçi./m.j
