Real Madrid do të dalë plot besim sot në fushën e Santiago Bernabeut për të përmbysur disavantazhin e dy golave kundër Wolfsburgut. Spanjollët u mundën 2-0 në takimin e javës së shkuar dhe sot kanë nevojë për një gol të hershëm.
Në fakt, golat e hershëm në Bernabeu kanë qenë specialitet i Realit gjatë këtij sezoni. Treshja e përbërë nga Cristiano Ronaldo, Karim Benzema e Gareth Bale ka qenë mjaft efektive në 20 minutat e para, duke shënuar 28 gola në këtë periudhë, njëzet prejt të cilëve në shtëpi. Nga këta, shtatë i ka shënuar Benzema, gjashtë Ronaldo dhe dy Bale.
Shënimi i golave nuk është kurrë problem për Realin, por në një ndeshje si kjo është shumë e rëndësishme edhe të mos pësosh. Ndaj përqendrimi është prioritet, për të shmangur gabimet.
Golat në 20 minutat e para
