Ngjarja tragjike në Vlorë ku një 32-vjeçar u vra me thikë nga dy vëllezër po hetohet në dy pista nga policia e qytetit bregdetar.
Zyrtarisht ngjarja u raportua si konflikt banal midis vëllezërve Merkaj dhe viktimës Rrapaj por më pas doli pista e një borxhi të pakthyer.
Disa orë më vonë, me veprimet e kryera nga policia tashmë në dritë ka dalë një tjetër pistë, ajo e krimit për shkak të një lidhjeje dashurie.
Burimet bëjnë me dije se shkak i konfliktit është bërë lidhja e motrës nga nëna e vëllezërve Merkaj me kushëririn e viktimës Armando Rrapaj.
Mësohet se Klevis dhe Nevruz Rrapaj ishin kundër kësaj lidhjeje të motrës së tyre.
Ndërkohë, personi që dyshohet se kishte lidhje me motrën e vëllezërve Merkaj ndodhet në burg. Ndëkrohë, policia zyrtarisht nuk e ka bërë ende publike pistën e hetimit, por kjo dyshohet të ketë qenë motivi i krimit . Gjithçka mendohet pas konfliktit që nisi teksa vëllezërit Merkaj dhe Armando Rrapaj ishin takuar për t’u sqaruar./a.m.
