Gjithkush mund t’a bëjë listën e elementëve që nevojiten për një rritje të shpejtë të kompanisë: infrastruktura, modeli i biznesit, kapitali, plani strategjik. Megjithatë, sipas huffingtonpost, ka dy barriera më pak të njohura që sipërmarrësit i mbajnë si kryevepra strategjike.
Nëse ju dëshironi të largoni barërat e keqija nga kopshti, spërkatini me produkte, përbërësit e të cilëve do shkaktojnë rritjen përtej nivelit normal dhe kështu barërat do të rriten deri në vdekje. Shumë kompani e rritin veten deri në vdekje dhe rezultatet as që i afrohen një kopështi të pastër nga barërat e këqinj. Kompani të tjera nga ana tjetër e kanë përgatitur veten dhe janë përshtatur për një rritje të shpejtë madje kanë lulëzuar gjatë rritjes së tyre.
Sipas Gavan Thorpe, president i Boostability, ka dy fusha që mund ta kishin penguar kompaninë e tij nga rritja e shitjeve nga 20 milionë dollarë deri në 40 milionë dollarë gjatë dy viteve të fundit, me një rritje stafi me 475 vetë, duke shtuar disa partnerë strategjikë, dhe duke u bërë një organizatë globale. Duke parë pas në kohë, shpjegon Thorpe, në qoftë se ne nuk do ishim përqëndruar në këto probleme te mundshme, ne nuk do kishim patur kurresesi mundësi të rriteshim kaq shpejt.
Atëherë cilët janë këta dy faktorë?
1.Pengesat
Kur shitjet janë të ulëta, çdo kompani mund të punojë rreth proçeseve që nuk rrjedhin aq mirë sa duhet. Megjithatë, nëse vazhdon të jetosh me mungesë efiçence thjesht sepse ti mund të jetosh edhe kështu, do krijosh një përbindësh që do ta tundë kokën e tij të shëmtuar kur të vijë koha e rritjes. Zgjidhja e Thorpe për këtë problem është e thjeshtë. “Parashikoni pengesat para se ato t’a mbytin biznesin tuaj, dhe jo pasi ato e kanë shkaktuar tashmë dëmin. Pastaj, thjeshtoni dhe / ose eleminoni të gjitha hapat e panevojshëm “.
Është e lehtë të kuptohet që rritja e vëllimit bëhet një sfide. Krijimi i faqeve të internetit, ofrimi i shërbimeve dhe menaxhimi i mediave sociale për klientët është mjaftueshmërisht komplekse. Shto kaosin dhe presionin e rritjes së shpejtë dhe proceset mund të krijojnë probleme me cilësinë dhe kohën madje edhe mund të bllokohen plotësisht.
2. Njerëzit
Forca e stolit është e rëndësishme për çdo ekip sportiv, dhe organika e një kompanie nuk bën përjashtim. “Një stol është një grup njerëzish të gatshëm që të kalojnë në nivelin tjetër. Është e rëndësishme që ju të merrni kohën e nevojshme “-thekson Thorpe. “Nëse ju i punësoni ata shumë shpejt, kur nuk ka punë të mjaftueshme për të qarkulluar, kompania mund të fillojë të ndihet e ngadaltë. Nëse ju i punësoni ata shumë vonë, ata do të jetë vazhdimisht duke u munduar të kapin ritmin e punës. “Shumë kompani nuk i kushtojnë shumë rëndësi planifikimit të vazhdimësisë, sidomos në nivelet e menaxhimit të mesëm dhe mbikëqyrësit.
Por, ky është vendi ku është e nevojshme shumica e aktiviteteve të promovimit, në një mjedis që është duke u rritur shpejt.Nëse kompania juaj është gati për të hyrë në një fazë zgjerimi, duhet që me të gjitha mënyrat të vendosen standarte për infrastrukture të fuqishme, model solid biznesi, kapital adekuat, dhe plan i mirë strategjik. Në të njëjtën kohë, duhet te jeni të sigurtë që jeni ne gjendje te mbështesni proceset dhe njerëzit tuaj.Dhe nëse keni barëra te këqija në zonat përreth kompanisë, përdorni ilacet që shkaktojnë rritje të papërballueshme si një kujtesë se si duhet të mos rritet kompania tuaj./b.d
