U bënë dy muaj që shkrimtari Dritëro Agolli është ndarë nga jeta. Vajza e tij Elona, ka postuar në rrjetet sociale një mesazh prekës ku shpreh mall.
Pas dy muajsh nga ndarja nga jeta e shkrimtarit Dritëro Agolli, vajza e tij Elona ka postuar një publikim në rrjete sociale në të cilën shprehet se ndjen mall për të atin si në ditën e parë.
“E di që nuk do të doje të shihje sytë e mi ditëpërditë të lagësht e të skuqur nga lotët. Po aq jam e sigurt që do merakoseshe po të thoja që “babushi im më dhemb egërsisht fort zemra”.
Nuk do të dëshiroje kurrë të më shihje aq trishtueshëm të menduar. E asnjëherë kurrë të çoje paksa në mend që Lona do vinte një ditë e do të mendonte ndarjen e vendit ku ti prehesh bashkë me ty.
Më mungon shumë i shtrenjti im , dy muaj pa ndjerë zërin tënd. Dy muaj pa dëgjuar fjalët e këshillat që veçse ti dije të m’i kumtoje. E rëndë pesha e ndarjes, ati im,”-përfundon postimi i saj në Facebook./a.m.
