Rreth 2 mijë banorë të fshatit Shpërdhet të Kurbinit, kanë mbetur të izoluar thuajse plotësisht për shkak të dëmtimit të rrugës që lidh këtë fshat me qytetin e Mamurrasit.
Vërshimi i ujërave nga reshjet e fundit të shiut të një muaji më parë e bënë të pakalueshme rrugën, ndërsa ende nuk është marrë asnjë masë për riparimin e saj.
E vetmja mënyrë për të lëvizur banoret është në kë mbë ose me kafshë, ndërkohë që nga kjo situatë ka vënë në rrezik edhe jetën e të sëmurëve që kanë nevojë për ndihmë mjekësore në spital.
Banorët thonë se e ndjejnë veten të braktisur, pasi janë ankuar disa herë pranë Bashkisë së Mamurrasit, por nuk është marrë asnjë masë për ta bërë rrugën të kalueshme.
Banorët e fshatit Shpërdhet kërcënojnë se do të bojkotojnë zgjedhjet vitin e ardhshëm, pasi për çdo problem që kanë pasur kjo zonë është dashur që të investojnë me financat e tyre, pasi institucionet që kanë detyrimin për t’ju ofruar shërbime e kanë braktisur këtë fshat./report tv/a.k
