2/3 vlerësojnë pozitivisht SPAK-un, 3/5 Gjykatën Kushtetuese
Nga Eduard Zaloshnja
Pas mbarimit të raportimeve të organeve të drejtësisë në Kuvendin e Shqipërisë, zhvillova një sondazh të shpejtë rreth tyre, duke e dërguar linkun e pyetësorit me SMS krejt të rastësishme, të shpërndara proporcionalisht në të gjithë territorin e vendit. Pasi pyetësorin e plotësuan 1100 banorë të rritur, kampionin e ripeshova statistikisht, në mënyrë që ta përfaqësonte popullsinë e rritur të këtushme sa më mirë gjeografikisht, demografikisht dhe politikisht. Maksimumi i marzhit të gabimit statistikor rezultoi plus/minus 3.1%.
Më poshtë vijojnë rezultatet e sondazhit.
Pyetjes “Çfarë vlerësimi keni për punën e SPAK-ut në përgjithësi?”, 2/3 e të anketuarve iu përgjigjën “Pozitiv” (50.7%) ose “Anoj pozitiv” (16.1%), ndërsa 1/3 iu përgjigjën “Negativ” (18.3%) ose “Anoj negativ” (14.9%).
| Çfarë vlerësimi keni për punën e SPAK-ut në përgjithësi? | ||
| % | Shumatore | |
| Pozitiv | 50.7% | 66.8% |
| Anoj pozitiv | 16.1% | |
| Anoj negativ | 14.9% | 33.2% |
| Negativ | 18.3% | |
Vlerësimi për punën e SPAK-ut ndryshonte sipas simpatisë që kishin të anketuarit për katër politikanët kryesorë. Kështu, mbi 4/5 e simpatizantëve të Ramës ishin në krahun pozitiv të vlerësimit. Gjithashtu, mbi 3/4 e simpatizantëve të Bashës dhe e jo-simpatizantëve ishin në krahun pozitiv të vlerësimit. Nga ana tjetër, pothuaj 9/10 e simpatizantëve të Berishës dhe të Metës ishin në krahun negativ të vlerësimit (shihni tabelën më poshtë).
| Simpatizantë të: | Vlerësimi për punën e SPAK-ut në krahun: | Gjithsej simpatizantët | |
| Pozitiv | Negativ | ||
| Ramës | 35.4% | 7.1% | 42.5% |
| Berishës | 1.7% | 14.8% | 16.5% |
| Bashës | 2.9% | 0.9% | 3.8% |
| Metës | 0.3% | 2.5% | 2.9% |
| Të asnjërit prej këtyre | 26.4% | 7.9% | 34.3% |
| Totali | 66.8% | 33.2% | 100% |
Pyetjes “Çfarë vlerësimi keni për punën e Gjykatës Kushtetuese në përgjithësi?”, 3/5 e të anketuarve iu përgjigjën “Pozitiv” (50.1%) ose “Anoj pozitiv” (10.2%), ndërsa 2/5 iu përgjigjën “Negativ” (21.3%) ose “Anoj negativ” (18.4%).
| Çfarë vlerësimi keni për punën e Gjykatës Kushtetuese në përgjithësi? | ||
| % | Shumatore | |
| Pozitiv | 50.1% | 60.3% |
| Anoj pozitiv | 10.2% | |
| Anoj negativ | 18.4% | 39.7% |
| Negativ | 21.3% | |
SHËNIM: Nuk kishte diferenca të ndjeshme statistikisht në vlerësim sipas orientimit politik të të anketuarve.
Pyetjes “Çfarë vlerësimi keni për punën e Gjykatës së Lartë në përgjithësi?”, rreth 4/7 e të anketuarve iu përgjigjën “Pozitiv” (40.6%) ose “Anoj pozitiv” (15.5%), ndërsa rreth 3/7 iu përgjigjën “Negativ” (24.5%) ose “Anoj negativ” (19.4%).
| Çfarë vlerësimi keni për punën e Gjykatës së Lartë në përgjithësi? | ||
| % | Shumatore | |
| Pozitiv | 40.6% | 56.1% |
| Anoj pozitiv | 15.5% | |
| Anoj negativ | 19.4% | 43.9% |
| Negativ | 24.5% | |
SHËNIM: Kishte një anim të lehtë majtas politikisht në vlerësim pozitiv të të anketuarve.
Pyetjes “Çfarë vlerësimi keni për punën e prokurorive të qarqeve në përgjithësi?”, pothuaj gjysma e të anketuarve iu përgjigjën “Pozitiv” (30.8%) ose “Anoj pozitiv” (18.3%), ndërsa pjesa tjetër iu përgjigjën “Negativ” (34.5%) ose “Anoj negativ” (16.4%).
| Çfarë vlerësimi keni për punën e prokurorive të qarqeve në përgjithësi? | ||
| % | Shumatore | |
| Pozitiv | 30.8% | 49.1% |
| Anoj pozitiv | 18.3% | |
| Anoj negativ | 16.4% | 50.9% |
| Negativ | 34.5% | |
SHËNIM: Nuk kishte diferenca të ndjeshme statistikisht në vlerësim sipas orientimit politik të të anketuarve.
Pyetjes “Çfarë vlerësimi keni për punën e gjykatave të qarqeve në përgjithësi?”, vetëm 1/3 e të anketuarve iu përgjigjën “Pozitiv” (17.3%) ose “Anoj pozitiv” (16.1%), ndërsa 2/3 iu përgjigjën “Negativ” (51%) ose “Anoj negativ” (15.6%).
| Çfarë vlerësimi keni për punën e gjykatave të qarqeve në përgjithësi? | ||
| % | Shumatore | |
| Pozitiv | 17.3% | 33.4% |
| Anoj pozitiv | 16.1% | |
| Anoj negativ | 15.6% | 66.6% |
| Negativ | 51.0% | |
SHËNIM: Nuk kishte diferenca të ndjeshme statistikisht në vlerësim sipas orientimit politik të të anketuarve.
