Është ndarë nga jeta Tom Leppard, njeriu i njohur për rekordin që kishte vendosur në Librin Botëror të Rekordeve – Guinness, për njeriun me më së shumti tatuazhe.
Rekordmeni unik britanik kishte të mbuluar 99.9 për qind të trupit të mbuluar me tatuazhe, raporton Guinnessëorldrecords.com.
Bëhet e ditur se ai vdiq në moshën 82 vjeçare në një shtëpi pleqsh në Inverness.
I lindur si Tom Woodbridge, Leppard është i njohur për tatuazhet e tij të ngjashme me lëkurën e leopardit. Këto tatuazhe i dhanë atij nofkën “Leopard Man of Skye”.
Famën ai e kishte arritur në vitin 2002 kur kishte vendosur rekordin në Guinness, për burrin me më së shumti tatuazhe në botë.
Por, rekordi i tij është thyer së fundmi nga rekordmeni në fuqi, Lucky Rich, që po ashtu ka 99.9 për qind të trupit të mbuluar, ai e mori titullin për shkak se tatuazhet e tij me ngjyrë të zezë i kishte mbuluar edhe me një tatuazh me ngjyrë të bardhë.
Rich e kishte thyer rekordin në vitin 2011.
