Hiqni dorë nga destinacionet tipike turistike dhe zbuloni këto vende surprizë. Është kjo thirrja që National Geographic iu bën të pasionuarve pas tureve kulturore, tradicionale dhe të aventurës. Në renditjen e National Geographic janë vendet si Armenia, Nikaragua, Nepali, Irani, Kosova, Uzbekistani, Shqipëria, Timori Lindor, Gjeorgjia, Tunizia.
“Sot, Shqipëria është është një vend po aq i sigurt sa edhe fqinjët. Plazhet e virgjëra të Rivierës, qytetet e mbrojtura si Berati, Gjirokastra e të tjera tërheqin mesatarisht rreth 3.5 milionë turistë në vit.
Përse të shkoni tani: Ndërsa plazhet e Adriatikut në Itali dhe Kroaci janë transformuar nga turmat e shumta që i popullojnë, Shqipëria ofron brigje të pasura me amfiteatre të shkatërruara greko-romake, kisha të mbushura me ikona të besimit ortodoks qëjanë të pakta në Europë. Në jug të Vlorës, gjenden disa fashtra tipikë turistikë si Dhërmiu, Vunoi, Himara me tarraca-kafene, me rrugica të ngushta dhe restorante që servisin gatime me bazë deti, ndërsa mund të akomodohen me rreth 25 dollarë në natë. Udhëtarët nga vendet e huaja janë të pakët, por mikpriten fuqishëm.
Mos humbisni: Mungesa e zhvillimit të infrastrukturës ka bërë që të ruhen qendrat e mbrojtura nga UNESCO, si e tillë është edhe Butrinti, një nga sitet më të mëdha të qytetërimit greko-romak në Europë.
Butrinti të krijon ndjesinë si në aventurat e Indiana Jones, me kolonat e mëdha të erës bizantine dhe romake.
Ture praktike: Në Shqipëri transporti nuk funksion me orare të përcaktuara dhe është vështurë që të programosh diçka online.
Mjeti më i zakonshëm për udhëtim është auobuzi ose furgoni, të cilët i mbeldhin dhe i zbresin udhëtarët përgjatëe itinerareve pa ndonjë skedulë të saktë. Rrugës do të gjeni plot kafene ku mund të pini edhe kafe “turke”.
Monitor/d.i.
