Kryetari i opozitës Lulzim Basha mori pjesë në Kuvendin Kombëtar të Forumit Rinor të forcës që ai drejton ku edhe mbajti një fjalim. Ai akuzoi sërish mazhorancën për promovimin e kriminelëve në administratë. Basha theksoi rëndësinë e votës së lirë si garanci për demokracinë. Përballë të rinjve ai tha se do të zhvillohet garë sipas modelit amerikan të primareve për kandidimin e tyre për deputet.
“Ky është momenti për t’i dhënë të rinjve stafetën në përgjegjësi në sipërmarrje. Rinia ka fituar shumë beteja, dhe rinia demokrate përballet me sfidat. Kjo erë e re që është hapur po fryn në FRPD. Era e shpresës dhe e besimi vjen nga vota e lirë. Vota e lirë vendos me mirë se individi, gabon më pak se kulisat e klaneve. Do të ndjekim modelin amerikan të primareve. Ju do të përfaqësoni në Kuvendit e ardhshëm rininë shqiptare”, tha Basha.
Ai foli më tej edhe për situatën ekonomike dhe politike në vend. Basha tha se qeveria promovon trafikantët dhje kriminelët, duke shtuar se modeli i rilindjes ka varfëruar shqiptarët./a.m.
