19-vjeçari shqiptar Xhuliano Këlliçi dhe 3 miqtë e tij të ngushtë, Daniele De Re 19 vjeç, Marco Da Re 18 vjeç dhe Daniele Ortolan 19 vjeç u përcollën për në banesën e fundit, duke lënë pas një dhimbje të madhe. Të rinjtë të cilët humbën tragjikisht jetën në një aksident me makinë të dielën që lamë pas, ishin të pandarë deri në fund, e kështu edhe do të prehen, në të njëjtat varreza, pranë njëri-tjetrit.
I riu shqiptar ishte me origjinë nga Kavaja, por bashkë me familjen jetonte prej shumë vitesh në Cordignano të Italisë. Me qindra morën pjesë në varrimet e 4 të rinjve, që u zhvilluan ndarazi për t’u bashkuar më pas në varrezat e Cordignano.
Në ceremoninë e varrimit të të riut Marco Da Re që u mbajt në Kishën e Cordignano, mediat italiane shkëputën këtë foto.
Në fund të meshës, kur kortezhi me në krye familjarët e 18-vjeçarit që u varros pak hapa nga miku i tij Xhuliano, shihet ky përqafim tejet i dhimbshëm i dy nënave, të Xhuljanos dhe Marco-s, që humbën djemtë e tyre në moshë kaq të re.
/e.d
