Një i ri nga Ballshi është vënë në prangat e policisë, pasi rezultonte i shpallur në kërkim pas dhunës së ushtruar ndaj xhaxhait të tij.
Klejdi Mehmetaj, 19 vjeç, banues në lagjen “Gllavenica”, Ballsh, u arrestua ditën e djeshme.
Ndalimi i tij u bë pasi Gjykata e Fierit, me vendimin e datës 18 korrik 2016, ka caktuar masën e sigurimit “Arrest me burg” për veprën penale “Dhuna në familje”.
19- vjeçari akuzohet se në bashkëpunim me xhaxhanë, Fitim Mehmetaj i cili është arrestuar më parë dhe djalin e xhaxhait të tij, më 27 qershor në lagjen “Kryengritja”, Fier, kanë ushtruar dhunë ndaj xhaxhait tjetër, shtetasit K.N., 45 vjeç.
I dëmtuari K.N., është vëllai i Fitim Mehmetaj por ka ndryshuar gjeneralitetet e tij. Noa.al mëson se mes dy vëllezërve kishte pasur konflikte të vazhdueshme, por në muajin qershor situata ka përfunduar në sharje dhe goditje, duke bërë që Mehmetaj i ndihmuar nga djali dhe nipi, të ushtrojnë dhunë ndaj 45- vjeçarit. Debatet mes vëllezërve kishin të bënin me çështje familjare/a.k
