I plagosuri në atentatin e Vlorës, Armando Sulejmani, ka deklaruar se atij i zunë pritë të dielën kur i bënë atentat, por ai vetë nuk u përgjigj me armë, por policia ka prova për të kundërtën.
Policia konfirmon se është qëlluar me armë zjarri nga të dyja palët. Sipas burimeve zyrtare, thuhet se Armando Sulejmani, i njohur me nofkën “Çipuri”, pasi është qëlluar, është ngjitur në pallat duke qëlluar drejt autorëve me pistoletën që mbante me vete.
Dyshohet se një prej autorëve të jetë plagosur, por nga verifikimi në qendra shëndetësore dhe spitalet përreth nuk rezulton se ai të jetë mjekuar.
Policia ka këqyrur kamerat në disa njësi tregtare të zonës, duke konstatuar lëvizjet e dy personave. Ata mendohet se janë të moshës 20 deri në 25 vjeç, me maska në kokë dhe të armatosur me pistoletë.
Edhe pse janë shoqëruar në komisariat rreth 12 persona, asnjë prej tyre nuk ka dhënë dëshmi të rëndësishme për hetimin. Paraprakisht, policia mendon se personat që kryen atentatin mund të kenë qenë të paguar, por jo shumë profesionistë.
Panorama/d.i.
