Lulzim Basha zbuloi sot gjatë një replike nervoze me një gazetare disa “detaje teknike” nga reforma në drejtësi. Mos guxo të më korrigjosh për gjëra që i ke gabim – i tha Basha gazetares gjatë komunikimit që u transmetua live nga televizionet informative.
“Ne nuk duam një reformë vetëm për t’i gjetur punë Sokol Sadushit, Ardian Dvoranit, Fatmir Xhafës apo qoftë edhe Enkelejd Alibeajt me rrogë 6 milion në muaj – tha Basha – Ne duam një reformë që të ndryshojë sistemin për qytetarët jo për t’u gjetur punë 17 vetëve me rroga të majme”.
Deri më tani nuk janë përmendur në publik rrogat që janë parashikuar për drejtuesit e institucioneve të reja që do krijohen për t’iu shtuar institucioneve ekzistuese në sistemin e drejtësisë në kuadër të Reformës.
